Գլխավոր / Վիրահատություններ / Կրծքագեղձի պլաստիկա

Կրծքագեղձի պլաստիկա

Կրծքի պլաստիկան (մամոպլաստիկա) կանանց մոտ կրծքի ձևի և ծավալի շտկման տարածված ու անվտանգ եղանակ է, որը նաև հնարավորություն է տալիս ազատվել վնասվածքների կամ վիրահատական միջամտությունների հետևանքով առաջացած թերություններից: Վիրահատությունը կնոջը թույլ է տալիս ստանալ ցանկալի ծավալ և ընդգծել իր կանացիությունը:

Ի՞նչ խնդիրներ է լուծում մամոպլաստիկան.

• տարիքով պայմանավորված կրծքի ձևի կորուստ, իջեցում, առաձգականության նվազում,
• ոչ բավարար կամ չափազանց մեծ չափեր,
• նՆկատելի անհամաչափություն,
• կրծքով կերակրման հետևանքով ծավալի կամ ձևի կորուստ,
• հետվիրահատական կամ հետվնասվածքային փոփոխություններ,
• կտրուկ նիհարելուց հետո ծավալի կորուստ,
• ախտաբանությունների ժամանակ կրծքագեղձերի հեռացում:

Կրծքի պլաստիկ վիրահատության տեսակները

Կրծքերի ձգում (մաստոպեքսիա): Բարդ վիրահատություն է, որի նպատակը արտաքին տեսքի բարելավումն է: Հնարավորություն է տալիս հյուսվածքներին վերադարձնել առաձգականությունը, ձերբազատվել անհամաչափությունից և արեոլների ձգվածությունից, իսկ կրծքին հաղորդում է էսթետիկ ձև:  

Կրծքի մեծացում (աուգմենտացիոն մամոպլաստիկա): Ամենատարածված վիրահատություններից է, որի շնորհիվ փոքր կրծքով կանայք կարող են մեծացնել դրանք մինչև ցանկալի ծավալ: Միջամտությունը ենթադրում է իմպլանտների կիրառում:

Կրծքի լիպոֆիլինգ: Ամենանվազ վնասվածքային եղանակներից է, որը կրծքին գրավչություն է հաղորդում: Միջամտության ընթացքում վիրաբույժը կիրառում է պացիենտի մարմնի այլ մասերից վերցված ճարպային հյուսվածքը:  

Կրծքի փոքրացում (ռեդուկցիոն մամոպլաստիկա): Արդյունավետ եղանակ է մեծ կրծքի հետևանքով առաջացած խնդիրներից և անհամաչափ ձևից ազատվելու համար, որոնք կարող են բերել ողնաշարի ցավերի առաջացման և մաշկի գրգռվածության:  

Վերականգնող մամոպլաստիկա: Այս միջամտության արդյունքում վիրահատության կամ վնասվածքի հետևանքով տուժած կուրծքը վերականգնվում է: Կիրառվում են անվտանգ իմպլանտներ, ընդարձակիչներ, պացիենտների սեփական հյուսվածքները:  

Պտուկի և արեոլայի շտկում: Այն հնարավորություն է տալիս շտկել պտուկի և արեոլայի տարիքային ձգումները կամ բնածին ձևախախտումները, ինչպես նաև վերականգնել դրանց գրավչությունը, որը կարող է տուժած լինել կրծքով կերակրման ժամանակ: