Գլխավոր / Հոդվածներ / Կլինիկական դեպք. բազալ բջջային կարցինոմա
Կլինիկա էր դիմել տղամարդ` կրծքավանդակի վերին և պարանոցի ներքևի հատվածում տեսանելի մաշկային գոյացության առկայությամբ։ Գոյացությունը նկատել են վեց տարի առաջ: Տարիների ընթացքում ուռուցքի մակերեսը շարունակաբար խոցոտվում և թացանում էր։
Նման դեպքում ախտորոշման համար կատարվում է բիոփսիա՝ հյուսվածքաբանական հետազոտության նպատակով։
Քանի որ պացիենտի մոտ առկա էին բազալ բջջային կարցինոմայի (ագրեսիվ բնույթով մաշկի բարորակ գոյացություն) բոլոր ախտանշանները՝ գոյացության երկարատև առկայություն, պարբերաբար խոցոտվող, խոնավացող մակերես, բիոփսիա չիրականացվեց:
Բազալ բջջային կարցինոման մետաստազներ չի առաջացնում, սակայն, ագրեսիվ բնույթով պայմանավորված, քայքայում է ստորադիր հյուսվածքները` ընդհուպ աճառային հյուսվածքը, օրինակ՝ քթի վրա տեղակայման ժամանակ։ Բազալ բջջային կարցինոման հիմնականում լինում է դեմքի շրջանում, ավելի քիչ դեպքերում` վերջույթների, թիկունքի, իրանի շրջանում: Այն հիմնականում հանդիպում է միջին տարիքից բարձր անձանց մոտ:
Սկզբնական շրջանում գոյացությունն ունենում է խոր նևոսիի տեսք, ժամանակի ընթացքում կարող է մեծանալ և կենտրոնում առաջացնել խոցոտված, թաց մակերես, որը պարբերաբար չորանում և կեղևապատվում է:
Սովորաբար, բազալ բջջային կարցինոմայի բուժումը վիրահատական եղանակով հեռացումն է։ Հազվագյուտ դեպքերում, երբ ուռուցքը տարածվում է, կիրառվում է քիմիաթերապիա կամ գամմա ճառագայթում։
Վերոնշյալ կլինիկական դեպքում կիրառվեց տեղային վիրահատական միջամտություն, հեռացվեց գոյացությունը և հարակից հատվածը` ամբողջությամբ, որպեսզի բացառվի կրկնությունը։
Վիրահատությունից հետո պետք է պաշտպանվել արևի ուղիղ ճառագայթներից, քանի որ այն կարող է նպաստել բազալ բջջային կարցինոմայի կրկնությանը։
2022 Հոկ 14, Ուրբաթ
ԵՊԲՀ «Հերացի» թիվ 1 համալսարանական հիվանդանոցի Պլաստիկ վիրաբուժության և միկրովիրաբուժության կլինիկա կարճ ժամանակ առաջ տեղափոխվել էր 36-ամյա տղամարդ՝ սրունքի բաց կոտրվածքով, մկանների և մաշկի
Կարդալ ավելին...
2021 Հուն 29, Երեքշաբթի
Մխիթար Հերացու անվան ԵՊԲՀ-ի պլաստիկ վիրաբուժության ամբիոնի ավագ դասախոս, պլաստիկ վիրաբույժ, միկրովիրաբույժ
Կարդալ ավելին...